كتب يا محبوس ........!!
وارسملك مليون شباك
وان ضم الحلم تروس
وصابك سهمين بعراك
برضو احلم بالحرية تلاقي
حلمك ضي شموع حواليك
وان بيوم تاه الأمل
تقدر تصنعه بإيديك
احلم يا محبوس بين سطرين
ومشاعرك اختصارها جملتين
حب .. حس.. وعيش
اكتب ملحمة ودواوين
اكتب قصيدة بجرح
عنوانها
الحب الصادق فين !!
اصرخ يا محبوس
خلي الصرخة كيف النهر
هد المعبد المحروس
الحرية تستاهل مهر
واصنع ميدان بصرختك
صحي كيان حريتك
نادي البسمة لا اسرقها
لو بيوم الفرحة خانتك
احلم كمان لو وسط القهر
احلم لو راح تكون وحدك
الصبر يكونلك رفيق
يحلم بيوم يخدك
في الفرح اجمل طريق
والشمس بين القصور
تدفي رغم الحريق
والنسيم دايما يبادر
بحلول الشتا ........
لأجل ما تموت ورقة بشجر
قبل ما تعيش خوف الخريف
تعالي علي نفسك كمان
من الجرح صور تيجان
احضنك طبطب عليك
عودك تحس معاك بالأمان
مش عيب تكون موهوم
لو بيوم بعد الحبيب
ولا عيب تحلم بيوم
بقلب شايفك مريب
والعيون اللولي تسهر
تناجي القمر
سامع شكاوي مهجتك
تدعي البعيد يبقي قريب
احلم ........
لو شافوك غريب
لو حزين اكتب همومك
وابكي كمان
ابكي علي الحلم اللي خان
لكن ابتسم
ادخر من حزنك رصيد
تشتري بيه سعادة هناك
بكوكب الأحلام .......
وان شافو فضولك بعين اذدراء
وعميو عنها مشاعر دفينة
اكتب بورقة مشاعري بخفاء
خلتني جوايا مليون رهينة
احلم يا محبوس ........
ايوه احلم ........
احلم ..........
وعجبي .........