عندى لكم ماسكين من الأخر يفتحوا البشرة وينظفوها ويصلحوا لكل أنواع البشرة ...
على فكرة أنا بشرتى حساسة مختلطة ... يعنى أسوء أنواع البشرة بس بعمل الماسكات دى بتدى نضارة ومظهر تحفة...
1) ماسك حبة البركة :
؛ملعقة حبة البركة طازة مطحونة + ملعقة زيت زيتون {من بتاع الأكل} صافى ...
تخلطيهم وتسيبهم 10 دقايق ..تحطيه على بشرتك وتسيبه تلت ساعة وبعدين تشطفيه
هتتخضى من النتيجة بس ياريت محدش يشوفك وأنت حاطاه عشان لونه أسود وبيبقى شكله وحش أوى
2) ماسك الدقيق :
_ملعقة دقيق أبيض+ نص ملعقة خميرة جافة + ملعقة نعناع جاف مفروك+ ماء دافئ..
طبعا تحطى شوية مية صغيرين أوى وتعجنيها لحد ما تديكى قوام كويس زى عجينة الفطير كده....
وتحطيها على بشرتك وتسيبيها لحد ما تجف ...وبعدين تشطفيها هتشوفى نتيجة مدهشة ياريت تعملى الماسكات باليل قبلماتنامى وتسترخى وأنت عاملاها عشان تجيب نتيجة أحسن ....
يالا يا حبايبى جربوا وبلغونى النتائج