مقاديررررررررررر الكحك طريقه الشيف يسرى هتعجبكم اوى

مقادير الكحك
كيلو دقيق مخبوزات
نصف كيلو سمنة سايحة
250مللى لبن دافى(انا معرفش المللى ده قد ايه بس انا حطيت كوباية)
ملعقة كبيرة بيكنج بودر
2 ملعقة كبيرة سكر
ملعقة كبيرة ريحة كحك او اكتر للى تحب
سمسم(اختيارى)
الحشو
عجمية بالمكسرات(ودى اخدت طريقتها من فتوكة هنا)
مقادير العجمية
كوب الا ربع عسل نحل
ملعقة كبيرة دقيق
ملعقة كبيرة سمنة او زبدة
مكسرات مقطعةاو مجروشة
نبدأ بطريقة العجمية
اول حاجة هنقلب الدقيق مع السمنة على النار بشرط ان الدقيق لونه ميبقاش غامق
وبعد كده ننزل عليهم بعسل النحل ونقلبهم كلهم مع بعض ونسيبهم يغلو على النار
هنلاقى الخليط تقل وابتدا لونه يغمق وابتدا يعقد يعنى يكون ليه قوام
وكل ماسبناه اكتر كل ماتقل اكتر يعنى انتى حسب مابتحبى قوامه قبل مانطفى نضيف المكسرات المجروشة نقلبهم مع بعض ونطفى النار ونسيبها تبرد عشان نعرف نشكلها
ولما تبرد العجمية هنلاقيهم قوامها طرى ومتماسك

وعلى فكرة ياجماعة العجمية طالعة طعمها خطير
كده خلصنا العجمية
ندخل ع الكحك
اول حاجة هنجيب بولا كبيرة نحط فيها الدقيق ونحط عليه المكونات الجافة(البيكنج بودر وريحة الكحك والسكر)
ونقلبهم ونحط السمسم
انا حطيت حوالى 3 معالق كبار سمسم
بس ده مش اساسى طبعا ده زى مانتى متعودة
ونقلبهم كويس
ونعمل حفرة فى النص
وننزل على الدقيق بالسمنة السايحة
بس خلى بالكم السمنة لازم تكون دافيه مش مغلية
عشان لو سخنة البيكنج بودر هيفسد ومش هينشط العجينة
انا استخدمت سمنة فلاحى ودى طبعا خلت الكحك ناعم جدا وبيدوب فى الفم
ونقلبها كويس اوى بايدينا
يعنى زى مابيقولو نبس العجينة
لغاية ماكل الدقيق يتشرب السمنة كويس
وبعد كده ننزل عليهم باللبن الدافى(بردو مينفعش يكون اللبن مغلى او سخن)
ويستحسن نحط اللبن بالتدريج
فيه ناس بتحط لبن اكتر من كده بس انا مكترتش عشان الكحك يطلع ناعم
ونعجن كويس
نبدأ نكور العجينة كور فى الحجم اللى احنا عايزينه
ودى ميزة البيكنج بودر اننا هنشتغل ع طول مش هنسيب العجينة تخمر
ونجهز العجمية ونكورها كور صغيرة
وناخد كورة عجينة ونعمل فيها حفرة فى النص
ونحط فيها كورة عجمية من اللى احنا عملناهم
ونقفل عليها الاطراف كويس اوى عشان العجمية متطلعش منها اثناء الخبز
وكمان نحاول نصغر حجم العجمية
ونبدأ نحضر الاشكال اللى هنشكل بيها الكحك
انا جبت هنا اشكال بلاستيك وبردو جبت مناقيش
عشان نفتكر ايام زمان
ونبدأ نرص الكحك فى الصوانى
وطبعا لازم الصوانى تكون مدهونة لو مش تيفال
دى الصينية اللى اتعملت بالاشكال البلاستيك
خبزته على حرارة 200 فى فرن الكهربا لغاية ماستوى والوش بقى لونه دهبى
وطبعا كل واحدة فرنها بيختلف عن التانى

وهنا لما برد وسكرته بالسكر بودرة
بدون مبالغة ياقمرات الكحك طلع ناعم وطعمه رائع
عامل زى كحك بسكو مصر ويمكن انعم
وفى رأيى البيكنج بودر نتيجته احلى من الخميرة بكتير
يارب يكون عجبكم مقاديررررررررررر الكحك طريقه الشيف يسرى هتعجبكم اوى 534817_398215610282494_1966387178_n

مقاديررررررررررر الكحك طريقه الشيف يسرى هتعجبكم اوى 534817_398215610282494_1966387178_n

الله انا بحب الكحك جدا
مرسي جدا على الطريقه
وكل سنة وانتى طيبة

كل سنه وانتم طيبين يارب وبعوده الايام

حلوى اوى انا مش بعرف اعمل الكحك خالص
بس هجربه بالطريقة دى شكلها سهلة
جزاكى الله خيرا حبيبتى

» سمبوووسه الدجاج اكله تحفه , طريقه تحضيرها
» طريقه جديده لشحن البطاريه
» طريقه عمل الغريبه سهوله االتحضير
» طريقه لعمل الهمبروجر بطريقه تحفه
» أ رز بالحليب زى المحلات , طريقه عمل الارز بالبن